જીવું છું પણ જાણે લાગે એવું કે બીજા માટે
પાણી ભરવાના વિચાર આવે ઘાટે ઘાટે
મનમાં વિચારોનું વિલોપન થઈ રહ્યું છે
ને દરિયો કહે ત્રાટકવું છે તટે તટે
પેલો કહે બધાં ચાલો, પર્વતને લલકાર્યે
ને નીકળી પડે છે સાગમટે સાગમટે
કોઈ કોઈનું સાંભળી એવું કંઈ કોઈ કરે
ને પછી કહે આ બધું ખાલી તમારા માટે
નદીને પૂછ્યું પણ હતું કે તે કાંઈ સાંભળ્યું
કેમ કે, ઢંઢેરો કરતા હતા મોટે મોટે
અંદર થતાં વલોપાતને માણસ શું જાણે
આ તો કહું છું દેવ અંશને જણાવવા માટે
કવિતાનું વર્ણન:-
આ કવિતા ઘણાં સમય પછી મારા જ અંદર ચાલતા ઉત્પાત ઉપર લખી છે. જેમાં પરોક્ષ રીતે મારા મનમાં ચાલતા વિચારોનો ઉલ્લેખ કર્યો છે.
આ કવિતા રોજિંદા જીવનમાં થયેલા અનુભવો ઉપર લખી છે. જેમાં કંઇક નવું કરવાનો વિચાર અને મનમાં ચાલતા બીજા ઘણાં બધાં વિચારો વચ્ચેની છે.
જેમાંના ઘણાં અર્થ નીચે પ્રમાણે છે:-
૧. પાણી ભરવાના વિચાર: – કંઇક નવું કરવાનો વિચાર
૨. દરિયો કહે ત્રાટકવું છે: – અનેક વિચારો પછી કંઇક લખવા માટે પ્રેરતું મન
પ્રકૃતિનાં સંદર્ભે શરીર માટે લખાયેલ શબ્દો નીચે દર્શાવ્યા છે:-
૧. પાણી: – વિચાર
૨. દરિયો: – મન
૩. પર્વત: – હૃદય
૪. નદી: – લોહી
શબ્દોનાં અર્થ:-
૧. વિલોપન: – લુપ્ત થવું
૨. સાગમટે: – ઘણાં બધાં વ્યક્તિઓનો સમૂહ અથવા તો કુટુંબકબીલા સાથે
૩. ઢંઢેરો: – લોકોને વાદ્ય દ્વારા સભાન બનાવી કરવામાં આવતી જાહેરાત અથવા તો લોકોને સંભળાય તેવું જોરથી બોલવું
૪. વલોપાત:- આક્રંદ
This is a guest post
Dewansh is the true spirit of the author. He has written many poems in Gujarati. He is an avid reader and has a keen interest in Gujarati novels and poems. He is a design consultant by profession but loves creating content and short stories that showcase his incredible love for the Gujarati language and India.
